對股價「利好」是股民最簡單的理解。
回購可以分在股票的「牛市」或「熊市」的分別：
下跌或熊市時：支持股價，特別是覺得嚴重低於估值時，這是最簡單的方法，基於供求問題，可以為股價提早找尋底位。
牛市時：可以令股價火上加油，最大的問題可能是，由於股票回購令市場股票數額降低，間接令每股盈利（EPS) 的數字搞靚了，令大家比較股票時會有一些誤差。
一個正常的回購動作，主要是公司發覺外面沒有更好的投資環境，才把資金投放在公司內，客觀的來說，這是對行業或經濟看得不明朗，這是一個中性偏向保守做法。
曾經有人跟我說：「回購好啊，等我啲option價值升高，win win situation 呀。」
大部份人覺得這是陰謀論，但我可以告訴你，的確經常地在發生著。
「九哥話」YouTube頻道請按此收看，以及the end game之博文。
九哥話 
美股暫時似行區間市？
LikeLike
的確如是。先前的阻力變成支持，10年孳息如果繼續向下，股票指數有上升壓力。
LikeLike
昨晚新主席已說明較鴿，好似不似加息加快，好像升市仍有一段長路，收水未有那麼急？
LikeLike
除非股市先大幅下挫，否則根本很難推遲，因為現在是有因稅改產生的通脹預期，behind the curve 美元會下挫得更深。
這是惡性循環。
LikeLike
加息快些慢些，只係影響短期利率上升速度，長期利率根本連佢都控制唔到
如果有一些因素變化，令到市場認為長期利率會大幅上漲，現在長短債息差才67點子，是被扭曲了，到時長債息會升得好急
LikeLike
完全同意👍
LikeLike
別忘記12月時，10年期才2.4%，2個月時間已升到2.9%。
其實我講既重要因素(通脹)已經出現左，22號公布既FOMC會議紀要有提到，要細心睇才留意到，而現在長債息根本未反映通脹因素
再加上美國政府狂發債，天然就導致債價受壓
所以我認為10年-2年債息差會不斷擴闊，會去到125點子
LikeLike
現在市場密切注意的將會是每月尾的core pce 及每月中的cpi，孳息一晚上落10基點的時代又到來了。
LikeLike
簡單計條數
現在聯邦基準利率係1.5%，今年加3次，明年加3次，已經係3%
咁到時2年期當佢3.5%，10年期應該要到4.5%
咁現在10年期係2.9%，根本係賭佢加唔到6次息，又或者賭美國2年後就會出現衰退，要減息
LikeLike
2年到3.5%，可能已經係inverted yield curve 啦。
我YouTube#1 尾show 過一個圖，多次加息後，都是會以金融事件落幕。
LikeLike
呢個可能性，我有諗過好耐，我覺得冇咁簡單又重複上一次，直覺
我覺得美國唔會出金融事件，我覺得新興市場會出，歐洲會出
我覺得美國會出現滯脹，所以會繼續加息，可能去到6，7厘以上
但全部諗法都冇咩證據(暫時)支持，但logically係講得通
LikeLike
補充，我覺得中國會先出金融事件
LikeLike
其實，我不明白，通脹高是否應是買多D資產，不要hold cash?謝
LikeLike
問題係資產已經係歷史高，如果加到6，7厘息，香港樓市會點，有幾多人仲供得起?
LikeLike
你唔好嚇人啦😂
LikeLike
通脹高也要看經濟表現如何的，委內瑞拉700percent通脹，你會唔會買？
LikeLike
你相唔相信大國之間係有一種暗戰，或者金融戰。
我有一個想法，今次加息/縮表/減稅/基建，全部一齊做，呢幾樣野全部都係推升通脹/國債利率行為，為咩要咁急?
咁加息法，其實全世界都好傷，因為債務好重，所以我認為佢係有其他戰略目標。應該係大陸
所以我覺得佢會一路加息，直致是但一個爆煲為止
LikeLike
This is a cycle. 一切已經是無可避免了。
我記得之前耶倫講過，佢相信佢在有生之年，唔會再遇到任何金融事件。
有個老友記講笑，話佢點解咒自己咁短命，就嚟死？
LikeLike
我經常將賭博概念，用係股市預測上，到得出結論，再用經濟原理去推論發生既可能性
因為一開始就用經濟原理去推論，咁好多有可能發生既事，會因為概率太低被排除，到時爆大冷就弊
我覺得現時全世界睇死長期利率唔會上到6厘，8厘，甚至10厘，會唔會爆大冷?
LikeLike
大家的思考邏輯非常接近，只是一開始的時候我不會預估6/8/10等現在看似不可能的目標，我會比較實在地看看是否可以到4%（cpi + risks premium)，然後逐步修正，當然我不會完全抹煞10%的機會，可以跟你面對面說6/8/10，但是在公眾場合，像「末日博士」般講出來，一般聽眾是很難接受的。
看看你的目的是如何吧。😁
LikeLike
長期利率唔大升既理由好多，例如
1.包括美國負債太高，息都唔夠比
2.美國經濟好極有限，人口又老化，支持唔到加咁多息
3.通脹咁低，點加到咁多息
我問過身邊好多人，信唔信加到6厘(其實我估10厘，冇講出來)，佢地都一致覺得冇可能，正如十幾二十年前冇人相信利息會減到0一樣，但會唔會爆大冷
LikeLike
就呢1分鐘，我連4%嘅可能性都未諗得到，當然≠我會跟你說不可能啦。
講咗咁耐，你大概應該知道我心中諗嘅scenario係點，今次QE還原基本步，can be 好大鑊嘅。再嚟QE都冇辦法解決。
LikeLike
但通往加息至6厘，甚至10厘，既路徑，我只諗到一個可能，係滯脹。
經濟唔好，又通脹，聽落好矛盾。
價格既產生係供求關係，供應減少/供應成本升，一樣會產生物價上漲。
1.如果長債息急升，大陸/新興市場的高負債/利潤率低既公司會支持唔住，倒閉，咁全球供應會出現短缺，物價會升。
2.中美貿易戰，已經有迹像，美國不斷指中國傾銷，加佢關稅，咁最後到消費者手上既貨品會貴左。
所以即使美國經濟平平，一樣可能會通脹得好勁
LikeLike
等於6個月前我提出股市有問題，係因為我睇到有啲結構性問題出現咗，但係當時冇人so㗎。我早陣子提出stagflation可能，一樣當講笑㗎，但我會同你講，我嘅信心差唔多：一定會發生，只係三個月或六個月的問題。
LikeLike
但現在通脹加速我估最多是3%，其實不是很高，所以利率上到4%也不是不可接受，我亦有點怕是這樣
LikeLike
我現在的想法跟你差不多。
之前講過，如果我們現在的想法真的會到了，到時客觀環境變了，會否再修正向上？跟着出現繼續惡化的情況，又如何？
我發覺這個滯脹可能性開始出現了，重點是特朗普在這個經濟循環的時候，竟然有這樣的一個稅改方案，當然這也是因為政治角力的問題才搞了大半年。結果是：會谷爆。
我肯定，將來歷史會顯示，這是一個極大的敗筆。
LikeLike